تسريب مواصفات و تفاصيل NVIDIA GeForce GTX 1060

مواصفات NVIDIA GeForce GTX 1060 الرسمية طب تسريبها من قبل Videocardz. التسريبات بتؤكد إن NVIDIA هتنزل GeForce GTX 1060 الشهر ده و NVIDIA هتقيم مؤتمر خاص بالكارت ده يوم 7 يوليو.

يبدو كده إن رد NVIDIA على كروت AMD Polaris الخاصة بالسوق المتوسط هيبقى GeForce GTX 1060 اللي هدف NVIDIA هو نفس هدف AMD, السوق المتوسط. الكارت مبني على هندسة Pascal الجديدة.

مواصفات الـ1060 هي 1280 CUDA Cores و 80 TMUs. أساس الكارت و هو Pascal GP106 هيقدر يوفر للـ1060 فوق الـ1.7 GHz وطبعا ده شيء ممتاز. ده غير إن الكارت ممكن تـOverclock ويوصل لفوق الـ2 GHz. أيضًا الكارت هيقدم 6 GB GDDR5 memory بسرعة 8 GBPS. ده معناه إنك هتحصل على 192.00 GB/s bandwidth بسبب إن الكارت بيوفر 192-bit bus interface.

 GeForce GTX 1060 هيقدم ثلاثة فتحات DP 1.4, و فتحة HDMI 2.0b واحدة فقط. و أيضًا هيبقى فيه فتحة DVI. وبسبب Pascal, الكارت هيشتغل على 120Watt فقط عن طريق فتحة 6-pin.

حسب الـSlides المسربة, الكارت مش بس أسرع من Radeon RX 480 ولكن سعره هيبقى معقول جدا لكل Gamers. ده معناه NVIDIA هتاخد معركتها مع AMD في وسط أرض AMD من حيث الـVR أو كروت شاشة بسعر مقبول للسوق المتوسط. يقال إن GTX 1060 اسرع بنسبة 15% من RX 480, وأحسن بنسبة 25% في VR, وأحسن في كفاءة الطاقة بنسبة 40% وأكتر.

السعر المحتمل للـ1060 هو 250 دولار.