فيلم Gears of War هيتم انتاجه رسميا من قبل Universal Pictures و Microsoft

الفيلم المقتبس من Gears of War بقاله سنين عبارة عن اشاعة; المشروع كان تم الاعلان عنه في 2007, و من ساعتها و المشروع في مرحلة تأجيل دائمة, بالأضافة لأفلام Halo و Bioshock. ولكن, يبدو إن جماهير السلسلة اخيرا هيشوفوا الفيلم. السؤال الأهم دلوقتي هو الفيلم هينزل امتى.

خلال البث الحي الخاص بـGears of War 4, تم الكشف من قبل Rod Fergusson رئيس ستوديوهات The Coalition, إن الفيلم هيحصل اخيرا. الجديد هو إن Microsoft هتتعاون مع Universal Pictures.

في بيان صحفي, تم الكشف عن منتجي المشروع.

Scott Stuber منتج سلسلة Ted و فيلم Central Intelligence و Dylan Clark منتج سلسلة Planet of the Apes و Oblivion, هينتجوا الفيلم بالأضافة إلى Jon Mone نائب رئيس الانتاج في Universal و Jay Ireland نائب رئيس الستوديوهات هيشرفوا على المشروع.

بالطبع المشروع لسة في مرحلة التخطيط, فـ مفيش أبطال, أو مخرجين أو موعد اصدار حتى. ولكن ديه خطوة في الأتجاه الصحيح, و اكيد هنشوف أخبار كويسة جدا قريب.