Khalid Ahmedالمخرج Fumito Ueda اللي قدم العاب زي The Last Guardian و Shadow of the Colossus و ICO من خلال مقابلة مع Glixel عبر عن اهتمامه و تطلعه لدراسة استخدام تقنيات الواقع الافتراضي او الـVR في العابه القادمة.
المخرج علي ما يبدوا انه فكر في اذا كانت العابه تناسب الـVR لكن في رايه تجارب زي Shadow of the Colossus كانت هتبقي صعبة و غير مناسبة عرضها من خلال الـVR بسبب اعتمادها المباشر علي الحركة الدائمة لمواجهة احجام ضخمة من الاعداء, و مشكلة الـVR عموما حالة الدوار الناتجة عن الحركة او الـMotion Sickness و مواجهة المشكلة دي تحديدا هتكون مهمة صعبة جدا. غير كده هو عبر بشكل كبير عن قلقه من جانب عدم وجود سوق كبير للـVR في الوقت الحالي علي رغم من انه وسيط بيسمح لشكل مختلف من الابداع لكن انتاج العاب ليه مسؤولية كبيرة من الناحية المادية لصغر حجم من ناحية عدد المستخدمين حاليا.
فا علي ما يبدو ان Fumito Ueda عنده الرغبة في الدخول في مجال تطوير الالعاب للـVR لكن في مخاوف كتير مسيطرة عليه.
Yousef ElAdawy
