الكشف عن أول Operator جديد ف تحديث Velvet Shell القادم لـRainbow Six

Ubisoft كشفت رسميا عن أول Operator من الـOperation الجديدة Velvet Shell القادمة إلى Tom Clancy’s Rainbow Six Siege.

Velvet Shell تعتبر أول Operation في محتوى العام التاني الخاص باللعبة. التحديث هيضيف خريطة جديدة و 2 operators من أسبانيا. واحد منهم هو Jackal اللي تم الكشف عنه النهاردة.

حسب Ubisoft, فـ Jackal هدفه هو جمع المعلومات عن مكان الأعداء و تحركاتهم, وهيبقى خطر جدا على اللاعبين اللي هيتحركوا لوحدهم من غير الفريق. معدات الـOperator بتساعده على التعرف على أثار الأقدام الخاصة بالعدو و تعقبها.

التحديث هيبقى مجاني للجميع, الخريطة هتبقى مفتوحة للكل, أما الـOperators هيبقوا مفتوحين علطول لملاك الموسم التاني من Season pass أو ممكن تجمع Renown أو R6 Credit في اللعبة وتفتح بيهم الشخصيات الجديدة.