Bethesda غير مهتمة بصناعة الأفلام, ولكن ستعتبر الموضوع لو Peter Jackson ليه دور

فيلم مقتبس من Elder Scrolls أو Fallout هو حاجة Bethesda مش مهتمة بيها, ولكن لو الموضوع في Peter Jackson ممكن يعيدوا التفكير.

Bethesda عندها بعض من أكتر السلاسل المحبوبة في تاريخ اللعب, ولكن الناشر مش بيفكر في تحويل أي حاجة منهم إلى فيلم أو مسلسل.

حسب Pete Hines, نائب رئيس تسويق Bethesda, الناشر اهم حاجة عنده هي صناعة الألعاب, لأنك ببساطة مش بيبقى عندك سيطرة ابداعية كاملة على فيلم مقتبس من لعبة.

احنا بيتم سؤالنا السؤال ده دائما, ولكن النسخة القصيرة هي; احنا بنعمل لعب.

والحديث ده دايما بيوقع في نقطة; هل هنسمح لحد تاني يعمل نسخته الخاصة من Fallout, أو Elder Scrolls, أو Dishonored؟ أو هنفضل متمسكين بيها و نخلي المطورين يبقوا هم اللي في ايدهم زمام الأمور.

احنا عايزين المطورين هم اللي يقرروا سلاسلنا عبارة عن إيه مش مخرج أفلام, أو منتج أو ستوديو.

Hines اضاف نقطة قوية لما تم سؤاله إن في ستوديوهات أفلام بتوعد إن ملاك السلسلة يحصلوا على سيطرة ابداعية كاملة على السيناريو و رد وقال:

حسنا, أنا معرفش أي حد عنده سيطرة كاملة على فيلم مقتبس من لعبته.

لو عندك سيطرة كاملة ليه متعملوش أنت بنفسك؟ طبعا الستوديو و كاتب السيناريو و المخرج هيبقى ليهم رأيهم. هيبقى عندهم الرؤية الخاصة بيهم.

Hines كشف بعدها إن ممكن يبقى في كلام عن الموضوع ده تحت شرط واحد, وهو لو Peter Jackson مخرج Lords of the Rings و The Hobbit هيبقى ليه دور.

أنا على ما اعتقد إن لو Peter Jackson راح مكتب Todd Howard و قاله أنا عايز أعمل فيلم عن Elder Scrolls, ديه هتبقى محادثة جدية جدا لازم تسمعها.

Hines وضح إن مديري الستوديو عندهم خبرة ضخمة جدا في عالم هوليود, منهم Jerry Bruckheimer, Leslie Moonves و Harry Sloan, فـ لو الستوديو عايز يعمل فيلم أو مسلسل تلفازي فـ هم عارفين هيروحوا فين.