Yousef ElAdawyمطوري Metro ستوديو 4A games ردوا على جماهيرهم بعد فراغ صبرهم من أجل Hardcore Shooter جديدة من الستوديو.
واحدة من اللعب اللي كان تم اعلانها مع Oculus Touch Controllers, كانت Arktika.1 و يبدو إن ديه كانت اللعبة اللي ستوديو 4A Games بيلمح ليها في الفترة السابقة.
طبعا هو شيء مثير جدا إن الواحد يشوف إيه اللي الستوديو الموهوب ده هيقدمه في عالم الـVR, ولكن بعض جماهير Metro كانوا عندهم احباط كبير بسبب إن اللعبة ديه مش جزء جديد من Metro – و طبعا اللي مش جماهير للـVR كانوا مرتبكين أكتر.
في خطاب مفتوح تم نشره على موقع 4A Games, مخرج الستوديو Andriy “Prof” Prokhorov قال التالي:
الأمر واضح جدا إن البعض منكم معجبين بـARKTIKA.1, واحنا هنتكلم عن اللعبة أكتر تحت – ولكن احنا شوفنا إن البعض منكم … كانوا محبطين.
ممكن انكم بتحبوا لعب الـPC/Console التقليدية, و ممكن كان نفسكم في إن احنا نعلن عن حاجة تانية! فـ هنقول تاني – ARKTIKA.1 هي واحدة من المشرعين اللي احنا شغالين عليهم حاليا.
المشروع التاني ده غير معروف عنه أي حاجة ولكن جزء جديد من Metro هو شيء محتمل.
Prokhorov قال إن 4A Games عندها فريق كبير جدا في الستوديو اللي في مالطة على عكس الستوديو الصغير اللي في أوكرانيا, فـ بالتالي Arktika.1 مش بتمثل أي نوع من القيود على المشروع التاني. ولكن الستوديو مش جاهز للحديث عن المشروع ده حاليا.
Mohamed Ibrahim
