يبدو كده إن Nintendo جادين في موضوع صناعة الأفلام

بعد مكاسب ضعيفة, Nintendo شغالة حاليا على الدخول في مجالات جديدة عشان تحس من الربح, وواحدة من المجالات ديه هي صناعة الأفلام.

Tatsumi Kimishima رئيس Nintendo قال لجريدة Asahi Shimbun في اليابان إن الشركة حاليا بتبحث في صناعة الأفلام الخاصة بيها لأول مرة بدلا عن اعطاء ترخيص خاص بالشخصيات.

عشان يعملوا كده, Nintendo بتبحث عن شريك بستوديوهات مختلفة, ولكن Kimishima أكد إن الـ “Creative Control” هتفضل مع الناشر. Kmishima أكد أيضًا انهم مش بيبحثوا في صناعة أفلام live-action, بل تركيزهم كله على صناعة Animations.

فيلم Super Mario Bros. اللي نزل في 1993, كان Live-action ولم يحقق نجاح كويس في Box Office. من دلوقتي احنا عايزين نعمل احنا الحاجة بنفسنا أكتر ما نرخص حاجة لحد تاني.

احنا حاولنا نعمل Live-action قبل كده, فـ من الممكن إن المرة ديه تبقى حاجة مختلفة.

Kimishima أكد أيضًا إن أول فيلم هيبقى متوفر خلال الخمس سنين القادمين.

Kimishima قال للجريدة انهم في محادثات حاليا مع كذا ستوديو حول العالم لتكوين شراكة مع بعض, وأكد إن Nintendo معندهاش مانع إن الشركة ديه تبقى خارج اليابان. اضاف أيضًا  انهم كانوا بيبحثوا عن طريق لترويج شخصيات Nintendo الكثيرة وكان أكتر قرار واضح ليهم هو صناعة الأفلام. تم التأكيد أيضًا إن Shigeru Miyamoto هيبقى ليه دور في صناعة الافلام ديه

أخبار إن Nintendo بتبحث حاليا في تسويع عملها خارج عالم صناعة الـVideo Games, جي بعد ما الشركة نشرت أرباحها اللي للأسف كانت مش قد كده. ارباح Nintendo حلال السبع سنين الماليين السابقين بتقل جدا, وحسب Wall Street Journal, إن مؤخرا, Nintendo أمريكا باعت النسبة التي تمتلكها في فريق البيسبول Seattle Mariners, وحسب محللين اقتصادين فـ قرار دخول عالم صناعة الأفلام جي بعد ضمان Nintendo بيع نسبتها في الفريق.

ديه مش أول مرة شخصية من شخصيات Nintendo يبقى ليها فيلم — فيلم Super Mario Bros. نزل في 1993. ولكن ديه تعتبر أول مرة Nintendo هي اللي هتقوم بـ أدارة العملية كلها.

حاليا مفيش أي كلام عن الشخصيات اللي هنشوفها في أول فيلم و امتى أول فيلم هيخش في مرحلة الأنتاج.