تفاصيل النسخ الخاصة من Battlefield 1 و الاعلان عن Collectors Edition لاول مرة في السلسلة

Battlefield 1 هيكون ليها نسخ خاصة كالمعتاد من السلسلة لكن الموضوع يكاد يكون مختلف شوية المرة دي.

اولا الـDeluxe Edition من مميزاتها اتاحة الفرصة للعب اللعبة قبل معاد اصدارها يوم 19 اكتوبر و هيكون سعرها 80$ و هتضمن 3 اضافات و هما Red Baron Pack و Lawrence of Arabia Pack و Harlem Hellfighter Pack. في كل اضافة اسلخة مميزة سواء اسلحة نارية او اسلحة بيضاء او اضافات شكلية من Emblems و تعديلات علي شكل الدبابات و هكذا بالاضافة امكانية تجربة الخرايط المجانية بشكل مسبق.

اما الـCollector’s Edition اللي هيكون سعرها 220 دولار دي يمكن اول مرة تتقدم في السلسلة نسخة بالشكل دا فيها تمثال طوله 14 بوصة و علبة معدنية و بوستر من القماش و اوراق لعبة او كوتشينة و محتويات اضافية حصرية من خلال محفظة معدنية بيتم استخدامها للمراسلة بالحمام الزاجل و ملصق حصري للنسخة نفسها.