Yousef ElAdawyحتى الآن التفاصيل الخاصة باللعبة Hideo Kohjima القادمة قليلة جدا, و بعد مقابلة الأخيرة مع مدونة PlayStation, فكرة اللعبة بقت أوضح شوية, ولكن بتترك اسئلة أكتر.
كبداية, Kojima-San أكد إن اللعبة هتقدم حرية كبيرة جدا للاعب في طريقة لعبها.
ممكن تعتبر Death Stranding لعبة Action .. عالم مفتوح بحرية كبيرة جدا. في حرية اختيار متاحة في إيه اللي إنت عايز تعمله و ممكن تركب سيارات وهكذا. لو إنت محارب, في فرص كتير لكده. لو إنت مش النوع ده من اللاعب, في طرق تانية للعب اللعبة. أنا حاليا مقدرش أقول أكتر من كده, ولكن هي عالم مفتوح action. أول ما هتخش عالم اللعبة و تستكشف أكتر, بنأمل إن يبقى في حاجات إنت أول مرة تشوفها.
النقطة هنا هي إن Kojima Productions شغالين على نوع مختلف من اللعب و ده طبعا مش شيء جديد, و كان Kojima قال عنه قبل كده. وخلال المقابلة ديه أكد انه لا يستطيع الحديث عن الموضوع ده حاليا, ولكن هو تحدث عن بعض الأشياء اللي في اللعبة.
دي تعتبر العام الـ31 ليَّ في عالم تطوير اللعب و أنا كنت متعمق جدا في عالم لعب الـAction خلال الوقت ده. في لعب الـAction, عامة, اللاعب بيبقى عنده سلاح و بيواجه الأعداء في نطاق Single Player – أو ممكن تبقى online ضد لاعبين أكتر في نطاق تنافسي. بينضموا ضد بعض بـ أسلحة – دايما بـ أسلحة – عشان يغلبوا عدو أصعب. في اللعبة ديه ممكن تعمل كده بس أنا عايز الموضوع يبقى أعمق أكتر و مش بيركز على السلاح كمسدس بالفكرة البسيطة ديه.
أيضًا وضح أكتر عن فكرة الـMultiplayer الخاصة باللعبة.
لو عايز تلعب اللعبة لوحدك, من غير الـOnline. ده شيء طبيعي و كويس جدا. احنا عندنا عنصر Online في اللعبة, و بكرر, هو مختلف تمام عن المتوقع من الناس. كتير من اللعب فيها Campaign Mode بعد ما بتخلصه بتخش على الـOnline. اللعبة ديه مش كده.
Kojima قال إن اللعبة في مرحلة أنتاج عميقة جدا العام ده.
Mohamed Ibrahim
