Khalid Ahmedفي السنة اللي فاتت 2016 شخصيا كانت افضل لعبة لعبتها هي Dishonored 2, اللعبة قدمت اللي اقدر اقول عليه تجربة خطية شكلا لكن في قلبها تصميم مفتوح و حر و مميز جدا في العاب عالم مفتوح معرفتش تقدم 25% منه.
و اللعبة كان فعلا بتكمل علي تطوير اللي قدمه الجزء الاول بكونه امتداد للاتجاه في تصميم هو الـImmersive Sims اللي ظهر في اواخر التسعينات و اول الالفينات مع العاب زي Deus Ex و Thief و خصوصا ان Dishonored كانت خليفة ممتاز لسلسلة زي Thief.
مع المستوي الممتاز اللي قدمه الجزء التاني في الجيمبلاي بتاعه و القيمة العالية في تصميمه انا مكنش عندي اي مشكلة اطلاقا مع وجود DLC زي الجزء الاول يقدم اضافة جديدة للجيمبلاي و قصة جانبية.
و في خلال الـReview هنشوف Death of the outsider كاضافة مستقلة للجزء التاني قدمت ايه.
