Medshaمعظمنا اكيد عارف Kingdom Hearts. صح؟ أنا اقصد, إنها لعبة من Square Enix بتحتوي على شخصيات من Final Fantasy, Disney و شخصيات تابع عالم اللعبة ذات نفسها. Kingdom Heart I و Kingdom Hearts II كانوا متوفرين حصريا على PlayStation 2. اللعبة كانت لعبة مغامرات RPG, وتعتبر من افضل اللعب المتوفرة على PS2.
Kingdom Hearts II.5 HD ReMix هي عنوان مجموعة HD لاعادة صناعة اللعبة لـKingdom Hearts II: Final Mix. *الاضافة ديه Final Mix لقصة Kingdom Hearts II وكانت نزلت قبل كده في اليابان فقط* و Kingdom Hearts Birth by Sleep Final Mix *برضه كانت مع اضافة Final Mix وكانت متوفرة حصريا في اليابان.* و اخيرا Kingdom Hearts Re:coded. اللعبة ديه كانت نزلت على Nintendo DS و للأسف مش هتقدر تلعبها في المجموعة الـHD. اللعبة تم اعادة تصنيعها في تجربة مسرحية, وتتكون من Cutscenes اطول.
إيه بقى اللي بتقدموا المجموعة ديه غير المحتوى اللي كان متوفر في اليابان فقط؟ اللعب اللي في مجموعة ديه كلها شغالة على دقة عرض 1080p, وبتحتوي على Textures جديدة. اللعبة فعلا بتحس بأحساس جديد جدا في Birth by Sleep. اللعبة ديه كانت نزلت على PSP وأنا لم استمتع بتحكمات الكاميرا في اللعبة, ولكن حاليا في مجموعة ديه هي ممتازة جدا. وبالاضافة لكل ده إنت بتتمتع بـGraphics أعلى و Frame Rate ثابت جدا جدا على PS3. و Cutscenes شكلها جميل جدا.
الأهم من كده, الموسيقى الجديدة في اللعبة ممتازة جدا وفوق الرائعة Kingdom Hearts II. الموسيقى تم اعادة تسجيلها عن طريق The Video Game Orchestra اللي عملوا موسيقى عروض Final Fantasy XV و Lightning Returns في TGS. الأوركسترا اعادة تسجيل وصناعة معظم الموسيقى في Kingdom Hearts II و اغنيتين في Birth by Sleep. النتيجة فوق الرائعة وممتازة جدا, لأن كل الأغاني اللي في اللعبة بقى احساسها أقوى بكتير من زمان وبيحطك في جو اللعبة بشكل ممتاز.
Kingdom Hearts II: Final Mix بتحتوي على محتوى جديد غير الموسيقى. اللعبة بتحتوي على Dungeons, 20 boss fight جديد, puzzles و المزيد. Kingdom Hearts: Birth by Sleep فيها تغير بسيط Mirage Arena بتاعت Multiplayer بقت بتدعم Single Player بس ومعتش بتدعم Co-op, للاسف الأمر ده نوعا ما مزعج للعايز يلعب Co-op ممتع بس للأسف تم حذفه من اللعبة. عمتن في محتوى كتير جديد في اللعبة للكانوا لعبوا اللعبة زمان, وكله تقدر تلعبه.
KH re:coded مينفعش تلعبها, لانها تم اعادة صناعتها على شكل فيلم و طويل شوية وبيحتوي على أجزاء مملة, أجزاء مهمة و ممتعة و أجزاء بتربط بين قصة Kingdom Hearts III.
للأسف اللعبة فيها بعض المشاكل التقنية المشاكل دي لم تكن موجودة في اللعبة زمان ولكن موجودة في Remaster. لعبة Kingdom Hearts II و Birth by Sleep وقت التحميل فيهم طويل شوية. في ساعات وإنت بتلعب ما بين المهمات اللعبة بتـFreeze لدقيقة وترجع تشتغل تاني عادي و حاجة جديدة هتخلص تحميل أول ما اللعبة ترجع تشتغل. Birth by Sleep بالتحديد فيها بعض الثواني من شاشة سودة بتحمل لما بتفتح Main Menu. أكتر حاجة محبطة, هي إن ساعات لما التحميل بيتغير, مهما كان بقى بتنقل من KH II أو D-Link مع شخصية تانية في Birth by Sleep, دايما هتلاقي بعض ثواني كده من شخصيتك وهي في حالة طوفان في الهواء واللعبة بتحمل ولكن الحمدلله إنت بتبقى invincible بمعنى إنك مش أول ما تنزل مثلا هتلاقي نفسك ميت من حد ضربك أول ما نزلت, الموضوع كله بيحسسك انه خطوة ورا من من نسخ اللعبة على PS2 و PSP. في على الاقل معركة مع Boss في Kingdom Hearts II بتعتمد على استخدام نموزج الحكمة و معمولة اصعب عن باقي الـBoss Fights بسبب وقت التحميل, ولكن على العموم انها في الغالب خيبة أمل بسيطة جدا في اللعبة ممكن تأثر شوية على متعة اللعبة. و ممكن اقول إن الموضوع ده ليه علاقة ببطء قراية Blu-Ray disc ضد DVD, ولكن في آخر موضوع زي ما قولت مؤثر ولكن مش التأثير اللي يبوظ متعة اللعبة و يأثر على التجربة الممتازة في Remaster ممتاز.
اللعبة ممتازة, فيها أداء صوتي ممتاز, موسيقى ممتازة, Gameplay ممتاز و Graphics ممتازة. و مشكلة وقت تحميل ديه من وجهة نظري مش هتمنعك من أنك تشتري اللعبة ديه وتتمتع بالـRemaster العظيم ده. Kingdom Hearts HD 2.5 Remix فيها محتوى جديد وكتير لم يكن متاح لينا زمان.
عرض اطلاق اللعبة:
Mohamed Ibrahim
