Khalid Ahmedسلسلة Suikoden واحدة من العاب الـRPG الياباني اللي ليها شعبية كبيرة من ايام البلاي ستيشن 1. و بسبب الشعبية دي اتطلب من Konami اعادة اصدار اول جزئين من جديدة , و استجابت Konami من خلال الاعلان عن اصدارهم خلال شهر يناير 2015 علي Playstation Network.
الجزء الاول تم اصداره سنة 1997 و الجزء التاني نزل سنة 2000 و يعتبروا اول جزئين من سلسلة نزلت علي 6 اجزاء.
اللعبة بشكل عام قصتها بدور حوالين بطل اللعبة اللي بيحاول يدور علي حاجة اسمها Stars of Destiny و يحرر بلده.
الجزء الاول بطله اللي انت ممكن تسميه بأي اسم انت عاوزه ابن جنرال اسمه Teo McDohl. بطل اللعبة اتكلف بحماية حاجة اسمها Rune of Life and Death و دي واحدة من 27 حجر موجودين في عالم اللعبة و بيخش في مواجهات مع متمردين و تتحول مهمته لمهمة البحث عن Stars of Destiny و يحاول يرجع بلده لحالة السلم و ينقذها من الحرب.
الجزء التاني Suikoden II بيحكي عن طفل يتيم و اخته و صديقه Jowy اللي بيلاقو نفسهم في وسط حرب و مغامرة من خلالها بيكتشفوا دورهم في المجتمع و الحرب اللي هما عايشين فيها و يجمعوا Stars of Destiny.
اللعبة بشكل عام مبنية علي اختيارات و قرارات بتأثر بشكل كبير بشكل يوصل للحياة و الموت , و نظام قتالي من خلال الجيمبلاي بتفاعل معاك بشكل ممتاز و الفريق اللي معاك برضو و تخليك اللعبة تدير قرارتهم في اي معركة.
الجزء التاني اضاف قدرات جديدة و تحسين للـSkill System اللي اتقدم في الجزء الاول و اعتماد اكبر علي تنفيذ استراتيجيات تضمن ليك الفوز في اي مواجهه.
من بعد نزول اللعبتين بـ18 سنة مازالوا يعتبروا من افضل الـJRPG’s اللي نزلت لحد دلوقتي و Konami قررت انها تقدم من جديد لمحبي اللعبة اول جزئين و تكون برضو فرصة لاي شخص جديد انه يجرب اللعبة و هتكون متاحة علي PS3 PSP PS Vita
Mohamed Ibrahim
