شخصيتك في Destiny وكل اللي عملته هيتنقل لـDestiny 2

David “DeeJ” Dague من Bungie أكد إن كل اللي عملته في Destiny هيتنقل للجزء التاني.

DeeJ قال لـIGN التالي

الفكرة إن Guardian بتاعك إنت اتعلقت بيه ودايما بتاخده معاك في مهمات, وبقى في علاقة بينك وبين شخصية لمدة طويلة.

Activision كانت أكدت إن الجزء التاني تحت التطوير حاليا, و اضافات مستقبلية برضه, ولكن ديه أول حاجة نسمعها عن Destiny 2.

احنا من أول ومفيش أي سر إن احنا عندنا خطة 10 سنين لأضافات واجزاء قادمة من اللعبة وتطوير السلسلة, وده حلم احنا بنحلم بيه.

كل يوم في مكتب بشوف أعمال فنية جديدة, اسلحة Exotic جديدة على شاشات الناس اللي شغالة عندنا.. و من الممتع جدا إنك تتمشى في ستوديو, لأن دايما في واحد بيفكر في المكان اللي لعبة هتروحلوا بعد كده, العدو القادم اللي هتحاربوا, و إيه اللي هتكسبوا من كده وهكذا.

DeeJ قال انه عارف إن اللاعبين عايزين مساحة اكبر في Vault و إن Cap اللي على Glimmer يزيد.

أول اضافة لـDestiny هتبقى متوفرة في خلال ساعات, هتقدم مهمات جديدة, اسلحة جديدة, وأطقم جديدة, و Strike جديدة و اتنين لو إنت على PlayStation, 3 خرائط جداد, و تعلية Level Cap إلى 32.