Khalid Ahmedفي لعبه Detroit انت بتلعب بالاليين لكن هم بيمثلوا جانب الخير و البشر هم الاشرار , و ده كان اهم تصريح لـDavid Cage المدير الابداعي لاستوديو Quantic Dream.
و غير كده علق كتير عن لعبتهم الجديدة Detroit Become Human ان هم اهتمو بمحرك اللعبه جدا و بنو محرك من الصفر عشان يهتم بالتجربه السينمائيه الصرف للعبه, حتي العدسات و كل حاجه هتشوفها فاللعبه متطبق عليها قوانين الفيزياء الطبيعيه فالعالم.
و قال انهم لما عملو الـdemo بتاع Kara كان هدفهم يستعرضوا حاجه معينه لكن لما الناس فضلت تسأل عنها بقا شغلهم الشاغل هو تطويرها لحاجه اكبر و النظر خارج المصنع الي كان فالعرض ده ايامها.و تقديم لعبة معقدة في القصة و كل الشخصيات بتعتمد عليك سواء ماتت او بقت علي قيد الحياة , ممكن تموت كل الي حواليك و ممكن تخليهم يعيشوا لانك ببساطه مش بتشوف قصه انت بتكون قصه اللعبه بقراراتك. و ممكن لو قراراتك خاطئة تموت شخصيه من الي بتلعب بيهم سواء Kara او Connor او اي شخصيه تانيه لسه لم يتم الاعلان عنها.
و اعترف Cage عن اعجابه الشديد بلعبه The Last Guardian و كونها بتعرض القصه باسلوب جميل و مختلف , فحين انه من 10 سنين لما بدأو الاستوديو كان الناس بتقلل من مجهودهم في تركيزهم عالقصه لكن ده كان التطور الطبيعي لمجتمع انتاج الالعاب و هو الاهتمام بالقصه و لما اتسأل عن الواقع الافتراضي قال انت مينفعش تحول لعبه عاديه للعبه VR انت لازم تبني لعبه VR من الصفر.
Yousef ElAdawy
