رئيس Epic Games يعتقد إن PS4 و Xbox One أقوى هو خطوة كبيرة للأمام للـGaming

Tim Sweeney رئيس Epic Games ممكن يكون من الناس اللي مش متفقة دائما مع كل حاجة مايكروسوفت بتعملها. ولكن هو أكبر جماهير Project Scorpio. بعد ما قال الأسبوع اللي فات انه منتظر الجهاز بشدة. Sweeney تحدث مع Gamespot عن رأيه في التحديثات للجيل الحالي من Consoles في منتصف عمرها, من ضمنهم Scorpio و NEO.

Sweeney قال في بداية كلامه إن ديه خطوة كبيرة جدا للأمام في عالم صناعة الألعاب.

Sweeney أكد إن واحدة من اصعب التحديات في عالم Console Gaming هي إن في الطبيعي, لما Hardware جديد بينزل, كل اللعب و المستلزمات الخاصة بالجهاز ده بتبقى ملهاش لازمة. ولكن ده مش هيحصل مع الـScorpio و Neo. كل جهاز فيهم بيدعم اللعب و المستلزمات الخاصة بـXbox One و PS4.

لو احنا حدثنا الـHardware تدريجيا, هنقدر نقدم أداء أفضل للـGamers من غير ما نمسح كل حاجة ونبدأ من الأول. الموضوع ده قيم جدا.

عشان تبقى قادر إنك تستثمر فلوس في لعبة عالية المستوى بتحتاج قاعدة جماهير عددها ملايين. عن طريق التحديثات التدريجية ديه, عالم صناعة الألعاب هيقدر انه يتحرك قدام أكتر من ناحية التكنولوجيا بشكل اسرع بكتير من غير تحديات في Business.

أنا اعتقد إن ده النموذج المثالي; عن طريق تقديم أفضل ما في PC والأعتماد و الثبات الخاص بـConsoles, فـ بكدة مش هتتعامل مع مثلا مشاكل Drivers على Consoles, ولكن هتحصل على Hardware جديد.

مفيش شركة بتصنع Consoles هتبقى عايزة تبدأ من الصفر, ولكن هدفها هو الاستمرار في تقديم أداء افضل عن طريق تحديثات في Hardware كل كام سنة. أنا شايف إن اختيار عبقري جدا, وهينفع Gamers و هيجعل حسابات الاقتصاد الخاصة بـ صانعي اللعب اسهل بكتير.

Sweeney أيضًا تحدث عن معنى ده للمطورين اللي هيدعموا جهازين وكل جهاز بـ مواصفات مختلفة. Sweeney قال إن حاليا مفيش إلى جهازين فقط في كل عائلة Xbox One/Scorpio و PS4/Neo و ده مش قريب حتى من ضخامة عالم PC.

مشكلة في PC انه عبارة عن عالم متواصل جدا. اختار أي رقم خاص بـ أداء و هتلاقي حد عنده PC بيوصل للأداء المعين ده. فـ ده بيخلي الموضوع صعب علينا احنا عشان نعمل اختيارات محددة عن إيه اللي هنعملوا مع الجهاز ده, و إيه اللي هنعملوا مع جهاز ده.

أنا بعتقد إن Console بـ نقطتين أداء مختلفين هيبقى هدف سهل جدا. ممكن نحدد احنا عايزين أنهي ميزة أو أمكانية تبقى متاحة على واحد منهم, و نحسن من أداء اللعبة على الاتنين و ميبقاش في قلق من النقط اللي في الوسط ديه.

مايكروسوفت و Sony كلاهما تحدثوا عن إن الأجهزة ديه متأثرة بفكرة الـSmartphones, وهي إن المستهلكين بيتوقعوا تحسينات للـHardware في ايقاع اسرع بكتير من مرة كل سبع سنين. فهل مثلا ممكن إن الايقاع الخاص بـConsoles يبقى مرة كل سنتين؟

رد Sweeney على سؤال زي ده كان إن الموضوع هيعتمد على السعر و هل الموضوع هيبقى معقد ولا سهل. مثلا لو في تحديثات جديدة كل سنة … ده هيخلق نقط كتير جدا لازم المطورين يفكروا فيها و يحاولوا انهم يدعموها. ده هيبقى شيء صعب. Sweeney بيعتقد إن تحديث كل كام سنة هو المثالي جدا, لأن ده هيسمح لتحسينات ضخمة جدا في الأداء.

Scorpio هينزل في آخر 2017, ولكن مايكروسوفت هتنزل Xbox One S في أغسطس. و مشاع حاليا إن NEO هينزل السنة ديه, و احتمال أيضًا نشوف PS4 Slim.