تفاصيل جديدة عن لعبة Perception من فريق تطوير افراده سبق ليهم تطوير Dead Space و Bioshock

Perception هي لعبة رعب قادمة من ستوديو Dead End Games, الفريق اللي شغال على اللعبة مكون من مطورين اشتغلوا على سلسلة BioShock و Dead Space و المزيد من اللعب.

الفريق كشف عن اللعبة على مدونة PlayStation و اللعبة هتبقى First-Person وهتحكي قصة Cassie العمياء وإزاي هي بتستغل قدرتها الخارقة على الأستماع واحساسها العالي عشان تكشف عن ألغاز البيت المسكون.

و هي دايما بتستخدم عكاز و من خلال موجات الصوت الصادرة عنه بتوضحلها تفاصيل الاماكن من حواليها زي الرادار و تحاول تتفادي انها تتكشف باستخدام الفكرة دي و تحاول تحسن استخدامها في اوقات و مواقف معينة عشان الصوت برضو ممكن يتسبب في كشفها

اللعبة عموما كان معلن عنها من فترة بداية بحملة تمويل جمعت حوالي 168 الف دولار و حملة التمويل مازالت مستمرة علي موقع اللعبة الرسمي.