Yousef ElAdawyمستند خاص بـPlayStation 4 Neo تم تسريبه و متوفر حاليا للجميع.
أول معلومة مهمة هي إن كل لعب الـPlayStation 4 اللي هتنزل في أكتوبر 2016 وما بعد لازم تدعم الـNeo و العادي. و اللعب اللي تم تحسينها على NEO هيبقى الـFrame Rate بتاعها أعلى و اثبت.
مواصفات الجهاز, حسب المستند ده, اللي أيضًا بتفسر إزاي هيتم تقسيم قوة PS4 على اللعب. الـNeo هيمتلك Jaguar CPU بـ 8 Cores شغالين على 2.1 GHz. الـGPU هيوفر 36 وحدة حساب شغالين على 911 MHz بـ 2.3x ضعف و تحسينات في الـTeraflops, أما الـMemory مازالت 8 جيجا ولكن بـBandwidth أعلى 218 GB/s.
طبعا مفيش شيء يؤكد إن الملف ده رسمي وصحيح.
المستند أيضًا بيفسر إزاي المطورين المفروض يجهزوا لعبهم للجهازين.
اهم نقطة في كل ده هي اللي جي. كما ذكر من قبل إن Sony بتطلب من المطورين انهم يخلوا لعبهم تشتغل بشكل أسرع وأحسن و اثبت على PlayStation 4 Neo.
طبعا ده تحدي, بسبب إن هيبقى في دقة عرض أعلى بكتير. وبسبب كده Sony ناقشت كذا ستراتيجية زي تقليل دقة العرض الخاصة بـDisplay Buffer. وديه حاجة اللعب على Xbox One و PS4 بتعملها غالبا – بمعنى إن الصورة بتوصل للشاشة على 1080p, الـDisplay Buffer بيبقى أقل شوية.
طبعا مفيش كلام عن إن المستند ده رسمي. ولكن يبدو بشكل كبير انه رسمي, زائد إن المستند ده عمره على الأقل ثلاثة اشهر.
