تقرير: PS4 Slim هينزل في سبتمبر القادم

مصادر متعددة أكدت إن PlayStation 4 Slim هينزل في سبتمبر القادم.

حاليا في اشاعات كتير عن PS4 Slim و هل هيظهر خلال PlayStation Meeting في 7 سبتمبر القادم ولا لأ, و أيضًا تم تسريب صور خاصة بجهاز.

حسب تقرير جديد من Eurogamer, الجهاز فعلا هينزل في سبتمبر.

سوني هتقيم مؤتمر في 7 سبتمبر القادم في نيويورك. بعدها بفترة قصيرة الـPS4 Slim هيبقى متوفر في السوق. حتى الآن احنا مش عارفين الجهاز هيكلف كام, ولكن التوقعات كلها إن الجهاز هيبقى أرخص من الـPS4 الأصلي.

شكلنا كده هنشوف PS4 Slim و NEO في مؤتمر سوني في 7 سبتمبر القادم. تابعونا.