Yousef ElAdawyQuantic Dream الستوديو المسؤول عن تطوير Indigo Prophecy, Heavy Rain, و Beyond: Two Souls شغال حاليا على اختبار كذا VR headset وبيجربوا وبيحاولوا يوصلوا لأيه اللي يقدروا يقدموه على النطاق ده, ولكن رافضين فكرة انهم يستخدموا التكنولوجيا ديه عشان يكونوا استخدموها وفقط.
David Cage رئيس الستوديو قال لـGameIndustry.biz خلال مقابلته معاهم عن التالي:
الستوديو كله عنده أجهزة VR في المكتب و أنا بشجع فريقي حاليا من أجل تجربتهم. احنا نزلنا كل اللعب اللي متوفرة على كل الأنظمة عشان نجربها ونحاول نفهم الناس فين دلوقتي, إيه اللي شغال, و إيه اللي احنا ممكن نقدمه في النطاق ده.
الفكرة هنا مش هو إن احنا نعمل حاجة VR عشان نبقى عملنا حاجة VR. لأ موضوع عبارة عن فعل شيء في النطاق ده متعملش قبل كده.
Cage اضاف إن VR هيبقى مناسب جدا لأسلوب Quantic بسبب الاستخدام القوي للـgestures.
لعبة Quantic القادمة هي Detroit: Being Human, وتحت التطوير حاليا على PlayStation 4, ولكن مفيش موعد اصدار نهائي.
