إشاعة: تفاصيل جديدة عن Dishonored 2, ومعاد نزول اللعبة

لو فاكرين من كام شهر كده كان في صورة اتسربت, إن هيبقى في جزء جديد لـDishonored, واسم اللعبة هو Darkness of Tyvia وكان في الصورة إن اللعبة هيتم الكشف عنها في E3 2014. للاسف اللعبة لم يتم الكشف عنها في E3, على الاقل لعامة الناس.

الاشاعات رجعت تاني من مصدر داخلي في الستوديو تواصل مع NowGamer, وقال إن Dishonored 2 بيتم تطويرها في Arkane’s Lyon ستوديو مع Harvey Smith مخرج الجزء الاول. اللعبة هيكون فيها بطل جديد, و مش معروف هو مين دلوقتي, ولكن من الواضح إن الامبراطورة Emily Kaldwin ممكن تبقى بطلة الجزء الجديد و ده معناه إن Dishonored II: Darkness of Tyvia هتبقى في وقت زمني بعد Dishonored 1.

NowGamer حذروا إن المعلومات ديه قديمة وعمرها سنة وكانت من أحاديث داخل الستوديو عن مشاريع مبكرة في اللعبة و إن في محرك تاني تم استخدامه في  تطوير اللعبة وهو idTech Engine.

وفي نفس الوقت, VG247 جالهم رسالة إن Dishonored 2: Darkness of Tyvia هتنزل على PC, PS4 و Xbox One في نوفمبر 2015, والمصدر ده بيقول إن اللعبة ممكن يتم الكشف عنها في Gamescom ونزل الـBoxart ده الخاص بالشراء المسبق.