التأكيد علي ان Beyond Good & Evil 2 تحت التطوير

علي مدار السنين اللي فاتت لعبة Beyond Good & Evil 2 في اكتر من مرة بنشوف تلميحات تخصها بدون اي معلومات اللعبة هتشوف النور امتي.

Ubisoft اكدت ستديو Ubisoft Montpellier شغال علي اللعبة و في الوقت الحالي الاستديو ميقدرش يدي اي تفاصيل لكن مخرج السلسلة Michel Ancel و الفريق اللي معاه شغال مع الاستيديو علي تطوير اساسيات اللعبة و الفريق وصل لمرحلة من التطوير طلع منها نتايج مبشرة.

Michel Ancel دوره في تطوير اللعبة ميعتبرش مخرج بشكل كامل لانه شبه ساب الشغل مع Ubisoft و اتجه انه يعمل ستيديو مستقل خاص بيه اسمه Wild Sheep Studio و شغال مع 13 مطور تاني علي لعبة هيتم الاعلان عنها قريب , لكن هيفضل شغال مع Ubisoft لتقديم مساعدات او ارشادات في اي مشاريع و خاصة مشروع لعبة Beyond Good & Evil 2 و مشروع تاني تحت التطوير في Ubisoft Montpellier