Khalid AhmedAliens: Colonial Marines تقريبا واحدة من اسوء عناوين 2013 و وقت ما نزلت اثارت جدل كبير بسبب ان اللي الناس شافته في الدعاية الخاصة باللعبة غير تماما اللي شوفناه في المنتج النهائي.
الزوبعة اللي حصلت علي اللعبة رجعت تاني بتصريحات شركة SEGA اللي هي ناشر اللعبة و التصريحات جات من خلال اوراق قانونية تخص القضايا اللي مرفوعة علي Sega و Gearbox.
تصريحات Sega بتقول ان Gearbox هي السبب في الدعاية المغلوطة و انها اتولت بنفسها جزء كبير من الدعاية و الاداء اللي طلع منها كان فقير جدا , اللي شوفناه في E3 2011 بالتحديد كان من انتاج Gearbox و طبعا كان Demo مظهرش في اللعبة الاساسية اصلا.
و حصل اكتر من مرة ان Gearbox خرجوا بتصريحات بدون اي رجوع لـSega زي لما Randy Pitchford رئيس Gearbox عرض صور للعبة ملهاش اي علاقة بالمنتج النهائي.
المفروض ان اكتوبر اللي جي هيشهد جلسة استماع اخيرة عشان يتم انهاء القضية بشكل كامل.
Mohamed Ibrahim
