مطوري Assassin’s Creed Unity بيفضلوا ان الالعاب تشتغل علي 30FPS

الدراما حوالين موضوع ان Assassin’s Creed Unity هتشتغل علي البلاي ستيشن 4 و الـXbox One علي 30FPS مازالت مستمرة.

في مقابلة مع TechRader واحد من المصممين في اللعبة و هو Nicolas Guérin قال ان اللعبة تشتغل علي 60FPS دا يخلي اللعبة شكلها غريب زي فيلم The Hobbit اللي كان متصور 48FPS -في السينما الافلام بتكون شغالة 24FPS بس بيكون في Motion Blur بيضيف نعومة في حركة الفريمات بس في الالعاب حاجة زي كده هتأثر علي الجيمبلاي و تضيف تقل في التحكم-

و اضاف برضو مخرج اللعبة Alex Amancio ان اللعبة تبقي شغال علي 60FPS دا مطلوب لالعاب الـShooter انما في الالعاب التانية معيار الـ60FPS تم التخلي عنه من مطورين كتير لضمان جودة اعلي.

شخصيا انا في رأيي الكلام ده مش مجرد الا حجج فارغة , اولا الالعاب مش زي الافلام سلاسة الحركة جوا اللعبة مطلوبة مش عشان شكلا تبقي حلوة بتبقي مطلوبة عشان التجكم يبقي فيه استجابة اعلي.

ثانيا العاب في الجيل دا تبنت انها يبقي فيها Frame Rate  اعلي من 30  زي The Last of Us اللي مع نسخة البلاي ستيشن كانت افضل بكتير علي 60FPS.