Khalid Ahmedالبلاي ستيشن 4 في الفترة اللي جاية هيكزن ليه تحديث برقم 2.0 هيضيف كم كبير من المزايا كان معلن عن جزء منها في الفترة اللي فاتت.
اولا اللي كان معلن عنه اضافة امكانة رفع اي فيديوهات يتم تسجيلها علي الـYoutube و ميزة الـThemes اللي كانت مطلوب بشكل كبير و برضو Share Play اللي بتخلي اي حد من صحابك يتحكم في اللعبة بدالك من جهازه من بعد – طبعا عاوز انترنت سرعته عالية جدا-
- من ضمن المميزات اللي هيشملها التحديث امكانية تشغيل الموسيقي عن طريق اي جهاز يتم توصيله USB و الصيغ المدعومة MP3, MP4, M4A, 3GP
- امكانية تغيير الالوان في الـTheme الاساسي للجهاز , بحيث انك ممكن تعدل الالوان باختيارات تناسبك دا بالاضافة انك تضيف Theme بخلفيات مختلفة
- اضافة خاصية Players You May Know اللي بتقدم اقتراحات لاشخاص ممكن تكون انت عارفهم و تضيفهم كاصدقاء عندك
- تحسين خدمات و جودة الـLive Streaming
- تحسين وظايف المكاتب الخاصة بالالعاب و الـApps المستخدمة , زي عرضها بشكل ابجدي او عرض اخر برامج او العاب مستخدمة او اكثرهم شعبية
- تحسين الاوامر الصوتية و اضافة مجموعة اوامر جديدة للتحكم في البلاي ستيشن
- اضافة خاصية Add To Library اللي بتسمحلك علي سبيل المثال اضافة الالعاب المجانية الشهرية من PS+ بدون ما تعملها Download
- اضافة خاصية Back Up Data اللي بتسمحلك بحفظ ملفات زي الـSave Files و الفيديوهات المتسجلة و الصور علي اي وحدة تخزين خارجية
Mohamed Ibrahim
