Phil Spencer من غير قصد بيدي امل لـGears of War Collection على Xbox One

Phil Spencer رئيس قسم Xbox عمل Retweet لتغريدة عن “Marcus Fenix Collection” على Xbox One نظريا هيبقى في المجموعة دي Gears of War من 1 لحد 3. للاسف, ده مكنش إشارة إن المجموعة ديه تحت التطوير حاليا.

Spencer قال إنها كانت غلطة انه يعمل Retweet للتغريدة ديه. وقال إن ده مش معناه انه مش متشوق لمستقبل Gears of War ولكن انه بيحب شغف الناس لـGears, لكن مفيش اعلان ان أي حاجة دلوقتي.

Microsoft كانت استحوذت على حقوق سلسلة Gears of War من Epic Games في أول السنة. و حاليا ستوديو Black Tusk, اللي تملكه Microsoft, شغال على جزء جديد من Gears of War على Xbox One.