Khalid AhmedThe Witcher 3 باجزائها اللي فاتت قدمت تجربة RPG فريدة من نوعها و مع دخول الجزء التالت في مجال الالعاب اللي بتقدم عالم مفتوح اكيد في تفاصيل جديدة في اللعبة.
المطور CD projekt RED ادي شوية معلومات جديدة عن اللعبة.
قصة Ciri ممكن متكونش معروفة بشكل كبير لاي حد جديد علي السلسلة , بشكل عام المطورين راعوا ان في ناس كتيرة جدا جداد علي السلسلة و معلوماتهم عنها قليلة لذلك تفاصيل كتير هتتقدم للناس دي باسلوب يخليهم فاهمين كل حاجة و خصوصا ايه حكاية Ciri و علاقتها ببطل اللعبة دا غير انها شخصية متوفر انك تلعب اللعبة بيها.
تصنيع الاسلحة و الادوية في اللعبة مازال زي الاجزاء اللي فاتت شغال بانك تلاقي الوصفة الخاصة بيهم و تدور علي المكونات من حواليك الادوية هيكون عندك 3 او 4 جرعات خاصة بيهم بتستخدمهم في الوقت اللي انت بتخش في الـmeditation mode و تستخدم معاهم الكحول
اما بالنسبة لتصنيع الاسلحة هيكون نفس الكلام من ناحية المواد المستخدمة في التصنيع لكن في بعض الاسلحة ليها جودة عالية بتحتاج اشخاص معينين يساعدوك في تصنيعها.
Geralt في اللعبة ليه اكتر من 100 حركة قتالية مختلفة هتضيف تنويع كبير للمواجهات في اللعبة
اللعبة هتشمل مستويات صعوبة مختلفة حسب انت بتفضل الموت الكتير ولا لأ , بشكل عام هما بيحاولو يعملو حساب الناس اللي عاوز تستمتع بالقصة اما بالنسبة لاعلي مستوي صعوبة فا الامر مش سهل تماما و ممكن اللعبة تبقي صعبة جدا.
نقل الـSave File الخاص بيك علي الـPC هيكون طبيعي جدا بس مع مراعاة ان اللعبة منزلتش قبل كده الا لمنصة واحدة و هي الاكسبوكس 360 فا لو اي حد قرر انه يلعبها علي الجيل الجديد فا هيبقي في اختيار في اللعبة من خلال شخص انت بتقابله بيحكي قصتك في الاجزاء اللي فاتت , اختيارات الجزء اللي فات انت هتختارها تاني عن طريق انك بتصحح الكلام اللي هو بيغنيه.
Yousef ElAdawy
Mohamed Ibrahim
