Khalid Ahmedمن ساعة ما بدأنا في تقديم المراجعات في القناة و احنا بنتبع اسلوب تقييم رقمي من 1 لـ 10 , و من فترة كنت بفكر في اضافة تعديلات علي النظام دا او تغييره بشكل كامل.
من خلال الايام اللي فاتت موقع Eurogamer قرر تغيير سياساته في مراجعة الالعاب , الموقع قدم اسباب كتير تخص صحافة صناعة الالعاب بشكل عام لكن قرارنا في تغيير اسلوب المراجعات يرجع لاعتبارات شخصية في تناول التقييم الرقمي اللي من خلاله ناس كتير بتبعد هن مناقشة عيوب و مميزات اللعبة و بتتجه لمناقشة اللعبة تاخد كام من 10.
التقييمات اللي هيتم اتباعها في المراجعات هتكون تقييمات مقالية بتساعد اكتر في توضيح مزايا و عيوب اللعبة او التركيز علي حاجة زي كده بالاضافة المساعدة علي اتخاذ القرار في شراء , تأجير , تأجيل او حتي انك تبعد تماما عن اللعبة و متفكرش في تضييع وقتك عليها.
عملية تقييم اللعبة في الاخر الهدف منها تحديد قيمة التجربة اللي ادامنا و تقديم اقتراح علي تستحق التجربة ولا لأ.
من خلال الفيديو هشرح بشكل كامل كافة تفاصيل النظام الجديد دا
