اضافات مدفوعة و بمحتوي 30 ساعة هتكون موجودة لـThe Witcher 3

The Witcher 3 تم الاعلان عن خطة من المطور CD Projekt لان يكون في حوال 16 DLC مجاني للعبة هيضيفوا شوية حجات شكلية و مهمات صغيرة للعبة.

لكن CD Projekt اكدوا ان اللعبة هيكون ليها اضافات مدفوعة هتضيف للعبة بعد نزولها محتوي اقرب للـ30 ساعة , الاضافات دي هتكون عبارة عن اتنين Expansions او توسيعات للعبة الاول هيكون اسمه Hearts of Stone و التاني هو Blood and Wine.

الاول هينزل في اكتوبر 2015 و التاني في اوائل 2016.

المحتوي الخاص ب Hearts of Stone هيكون مدته 10 ساعات و هيرجع بطل اللعبة Garelt لمنطقة No Man’s Land و alleys of the Redanian و City of Oxenfurt.

اما Blood and Wine هيضيف 20 ساعة لعب و هيضيف منطقة region of Toussaint. الاضافتين طبعا هيضيفوا مجموعا اسلحة ادوات و اعداء جداد.

و الاستديو بيوعد بان الاضافتين دول هيكونو توسعة للعبة بمعني الكلمة مش مجرد مهمات تخلصها في فترة صغيرة و هتكون اشبه بمحتوي زي Bloodmoon and Tribunal اللي نزل لـElder Scrolls Morrowind. و مؤسس الاستديو Marcin Iwiński اكد انهم في الفترة اللي فاتت وعدوا في حالة بانهم لو هيضيفوا محتوي بفلوس هيكون محتوي ضخم يكون ليه معني للعبة.

و لذلك الاضافات الجديدة دي هيكون سعرها 10 دولار لـHearts of Stone و 20 دولار لـBlood and Wine و الـexpansion pass بـ25 دولار.