Khalid Ahmedفي خطوة غير متوقعة Vlave اعلنت عن ان من خدمة Steam Workshop اللي بتقدم خدمات للـMods الخاصة بالالعاب هيكون في امكانية ان اي شخص بيصمم الـMods دي يقدر يكسب مبالغ مادية في مقابلها بالمعني الاصح الـMods هتكون في بعضها هيتعرض للبيع , يعني خلونا نقول انها DLC’s بس من مصممين غير اللي اشتغلوا علي اللعبة.
حسب التصريح اللي اتقال ان الخدمة هتقدم حرية اكبر لمصممين الـMods لو حد عاوز يضيفها بشكل مجاني او بمبلغ مادي يحدده هو حر و هيكون في نظام بقواعد و قوانين محديدة لاضافة الـMods علي الـWorkshop و بداية من النهاردة النظام هيطبق بالتحديد مع لعبة زي Skyrim.
و من وجهه نظر Valve ان دي خطوة مهمة جدا تجاه مجتمع تصميم الـMods لدعمهم مادية و تطوير المحتوي اللي بيتم صناعته من المستخدمين نفسهم.
طبعا الموضوع ممكن يكون مثير شوية للقلق لان معظم الـMods و التعديلات الخاصة بالالعاب اللي بتتصمم من اللاعبين بتكون مجانية لكن للاسف متمش توضيح ازاي هيتم تسعير الاضافات دي و ازاي هتتحدد قيمتها و ايه الطريقة اللي تضمن ان الـMods دي هتكون علي قد الجودة اللي تخليها مطلوب منك تدفعلها فلوس؟
الموضوع بالفعل ممكن يفيد اي مصمم انه يتم دعمه و يقدم محتوي افضل و اكتر لكن لحد اللحظة دي الموضوع بيخليني شخصيا في حالة قلق.
