Omar el Faroukالسنة اللي فاتت حصلة جدال حاد مع Ubisoft بسبب إن مش هينفع نلعب بشخصيات نسائية خالص في Unity و لكن ستوديو Quebec وهو الستوديو المسئول عن اللعبة السنة دي حاول يتفادي حاجة زي كده حتي لو اعتبرها بعض الناس غلطة.
من خلال مصادر لموقع Kotaku قدروا يعرفوا إن اللعبة هيكون ليها بطلين وهم Jacob وأخته Evie
مصدر Kotaku كشفوا إن 75% من اللعبة هيكون من بطولة Jacob بس هنقدر نغير ما بين الإتنين في اللحظات المهمة بردوا خبر تاني وأنا شايفه حلو عن نفسي هو إن اللعبة مش هيكون فيها Multiplayer خالص ولو ده حصل فعلا وحافظوا على القاعدة دي قدام ممكن يكون لسة في أمل للسلسة ده تسترجع أيام عزها شوية.
السنة اللي فاتت طلع Alex Amancio اتكلم وشرح ليه مكنش في إي شخصيات نسائية في اللعبة ممكن تلعب بيهم, وقال إن ده هيادي ان كم الشغل هيزيد مرتين من ناحية Animation و Voice Acting و Character Customization واستمر في الشرح إن مفيش إي فرق مابين شكل الشخصية اللي بتلعب بيها في Multiplayer وشكل الشخصية اللي قدامك بيلعب بيها.
كانت مجموعة من الأعذار الضعيفة والمستفزة خصوصا حوار إن مفيش فرق بين الشخصيات ده وطبعا مننساش كلنا طبق الـGlitches و المشاكل الشهي اللي شوفناه في الاخر ولا كأننا شغالين عند Ubisoft بنعمل Testing.
بس دلوقتي في خطوة اتاخدت في الطريق الصح طبعا ده لو كان حصلت فعلا ومش قصدي إن بقى فيه بطلة لأن ده تعتبر سياسة أكتر ما هي حاجة لمصلحة تطوير اللعبة , و قصدي فكرة إن هما ألغوا Multiplayer لأن عمر ماواحد من محبين السلسلة أو حتى الناس اللي بتشتريها كده اشتراها عشان الـMultiplayer وكان مضيعة للوقت والمجهود والفلوس في حالة اللاعب و المطور Assassins Creed كانت بتمر بحاجة عكس Battlefield تماما لأن في الوقت اللي الناس كانت هتبوس ايد مطورين Battlefield ان هما يلغوا الـSingleplayer احنا كنا بنهزاء وبنعيط لي Ubisoft إن هما يركزوا في القصة شوية لأن هي جزء اساسي من اللعبة.
الكلام ده كله للأسف لحد دلوقتي متمش تأكيده بس ياخبر النهاردة بفلوس بكرة ببلاش, و انشالله هنقدر نعرف إيه اللي بجد وإيه اللي اشتغالة لما نشوف الـReveal Trailer بكرة الساعة 7 بتوقيت القاهرة.
Mohamed Ibrahim
