Khalid AhmedNaughty Dog بقالهم فترة مقالوش اي معلومات جديدة او اخبار تخص Uncharted 4 من ساعة ما اعلنوا تأجيلها للسنة اللي جاية.
لكن مؤخرا من خلال Livestream المطورين اتكلموا عن كذا حاجة تخص اللعبة و بالتحديد الجرافيكس و وصفوها بالسحر و المستوي اللي مقدرش حد يوصله قبل كده , من اهم التفاصيل اللي اتكلموا عنها هي كانت من مصمم الاماكن Andrew Maximov اللي قال انه شغله في الفترة اللي فاتت علي اللعبة كان شامل تصميم الاماكن من ناحية النباتات و حركتها , و الجزء الجديد طبعا شمل تقنيات جديدة في حركة النباتات و اوراق الشجر ادت بيهم لانهم استغلوها في حركة شعر بطل اللعبة و ادخلوا عليها تأثير من حركة الهوا كمان زي ما بيحصل مع اوراق الشجر و الاهم من كده ان تأثير الفكرة دي علي اداء اللعبة قليل جدا و يكاد لا يذكر.
و مدير العلاقات العامة مع مجتمع اللعبة Eric Monacelli ان في الوقت الحالي المطورين شغالين باعلي جهد ممكن بشكل اكبر من The Last of Us و المبرمجين بالتحديد اللي وصلوا ليه للحظة دي ميتوصفش الا بالسحر خصوصا من جانب برمجة و تصميم الـMultiplayer الخاص باللعبة و ضمان مستوي عالي من الجرافيكس بدون وجود اي تأثير علي الاتصال.
جدير بالذكر ان الاستيديو في الفترة اللي جاية عندهم النية انهم يعملو اكتر من Livestream لعرض التقدم اللي وصلوا ليه في تصميم Uncharted 4.
Mohamed Ibrahim
Yousef ElAdawy
