Omar el Faroukمفيش خبر في عالم الـGaming أحلى من خبر لعبة جديدة الا لو الخبر ده هو إن كل الـGames و الأجهزة هتبقى ببلاش بس الأخيرة ده صعبة شوية فإنهاردة في خبر عن لعبة جديدة RPG بتحصل احداثها في لندن في بداية القرن العشرين و الدنيا متبهدلة من الأنفلوانزا الاسبانية و ده مش احلي جزء في الخبر إنت بتلعب بمصاص دماء كان شغال جراح في الجيش ولسة راجع من الحرب اسمه Jonathan E Reid و ممكن تتغذى على إي شخصية في اللعبة.
هل ده معنى إني ممكن ابقي ماشي في لندن لوحدي على نهاية اللعب؟ مش عارف بس الكلام اللي المطورين قالوه إنك هتحتاج تدرس تصرفات وجبتك وتشوف عايز تهاجمهم إزاي لو ناوي تستفرد بيهم في شارع ضلمة أو تغويهم أو تغير من عاداتهم.
اللعبة ده ممكن تكون حاجة ضخمة خصوصا إن الستوديو اللي شغال عليها له سابقتين حلوين جدا Life Is Strange لعبة قصتها اكثر من رائعة ومن أولها لأخرها تجربة فريدة من نوعها و Remember Me وهي كالعبة كانت حقل تجارب بتقدم أفكار جديدة من زاوية مختلفة واكبر مشكلة كانت فيها كانت الـCombat System بتاع اللعبة غير ذلك كانت لعبة فريدة من نوعها جدا.
Vampyr هتنزل في 2017 المطورين هم Dontnod والناشر هو Focus Home اللعبة هتنزل على جميع أجهزة الجيل الجديد وأجهزة PCs و بيتم تطورها على Unreal Engine 4 وتم الإعلان عنها في E3 السنة ديه.
Mohamed Ibrahim
