مبيعات العاب Ubisoft على PS4 و PC هي الأكثر مقارنة مع أي جهاز تاني

في آخر تقرير مالي خاص بـUbisoft, الناشر اتكلم عن مبيعات اللعب على الأجهزة اللي بيتم دعمها.

PS4 بيقود المبيعات ديه على عكس إن PC عليه أعداد اضخم من اللاعبين. PS4 بيمثل 27% من أرباح Ubisoft.

PC كان في مركز التاني بـ23%, وده زيادة كبيرة جدا عن السنة اللي فاتت اللي كانت 14%, وده على الرغم من المشاكل اللي واجهتها بعض الألعاب والتأجيلات, وعدم شهرة Uplay على PC خالص, ولكن سبب المبيعات الهائلة ديه هي ألعاب Ubisoft المركزة للـPC زي Anno, The Settlers, The Mighty Quest for Epic Loot, Might & Magic و UGC.

بعد كده في PS3, Xbox One و Xbox 360, كل واحد بيمثل 11% من الأرباح, ومن الغريب جدا إن احنا نشوف Xbox 360 زي Xbox One على الرغم من إن Unity كانت على Xbox One.

Wii و Wii U بيمثلوا 3% فقط.