مش هيبقى في أي أخبار عن Elder Scrolls جديدة لمدة طويلة

حسب Pete Hines, المتحدث الاول في Bethesda, مش هيبقى في أي أخبار عن Elder Scrolls جديدة قريب.

في حديثه مع Dualshockers, Pete قال إن لسة بدري قوي وهتاخد مدة طويلة جدا عشان الناشر يتكلم عن حاجة غير Fallout 4 و The Elder Scrolls Online.

The Elder Scrolls Online نزلت على PC السنة اللي فاتت و من كام شهر على Xbox One و PS4. لو Bethesda هتستخدم كلمة Elder و Scrolls مع بعض في الوقت القريب هتبقى عشان DLC أو محتوى جديد لـTESO.

وطبعا كلنا عارفين إن في Fallout 4, والستوديو مركز بنسبة 100% على اللعبة اللي من المفترض إنها هتنزل في نوفمبر.