Khalid Ahmedالتحديث رقم 3.00 للبلاي ستيشن 4 من خلال مدونة بلاي ستيشن الرسمية ظهر عنه معلومات اكتر خصوصا انه في Beta في الوقت الحالي بعض الناس ممكن تجربه و من هنا.
التحديث هيضيف بعض المميزات زي رفع حجم التخزين المتوفر في خدمة PS Plus من 1 جيجا لـ10 جيجا و اضافة امكانية البث المباشر علي Youtube و هيسمح بمشاركة فيديوهات قصيرة علي Twitter
من ضمن المميزات اللي هيتم اضافتها و هي الـEvents و اللي من خلالها بيتعرض بعض الفترات المهمة اللي ممكن تيجي مع الوقت زي الـDouble XP لبعض الالعاب و ميزة الـCommunities اللي بتسمح بتكوين مجموعات خاصة لللاعبين اللي بيجمعهم اهتمامات مشتركة.
من ضمن الاضافات المميزة هي انك لو عندك قائمة اصدقاء كبيرة من الممكن تحدد بعض الاصدقاء كمفضلين و تسهل الوصول ليهم. و بالاضافة لتحسن عرض النشاطات اللي بيقوم بيها اصدقائك من خلال شاشة What’s New.
المفروض في تأكيد علي اضافات اكتر هتكون موجودة في التحديث و هيتم الاعلان عنها مع الوقت.
Mohamed Ibrahim
