التخطيط لفيلم خاص بعالم The Witcher لسنة 2017

سلسلة The Witcher قبل ما تكون اللعبة اللي نزل منها اخر جزء السنة دي كان اتعمل بناء علي الكتب الخاصة بيها مسلسل تلفزيوني في بولندا و كانت محاولة متواضعة لتحويل الكتب لعمل ترفيهي.

لكن حاليا مع سنة اصدار محددة في 2017 في فيلم هيتم انتاجه, الفيلم هيكون مبني علي القصص القصيرة و خصوصا The Witcher and Lesser Evil و دي القصة اللي من خلالها Geralt اكتسب لقب  Butcher of Blaviken و شركة الانتاج المسؤولة عن الفيلم هي الشركة المسؤولة عن المشاهد السينمائية في اللعبة نفسها و ليهم تعاون مع مخرجين لانتاج افلام رسوم متحركة زي Tomek Baginski اللي اترشح فيلمه The Cathedral للاوسكار وقت نزوله و الكاتبة Thania St. John اللي كتبت مسلسل زي Grimm هتشترك في كتابة الفيلم

لكن مع كل ده المطور CD Projekt مش هيكون ليه اي تدخل في انتاج الفيلم بأي شكل من الاشكال.