تعرض معاد نزول لعبة Battleborn للتأخير

Battleborn لعبة الـMOBA Shooter زي ما المفروض تتصنف يعني و اللي من انتاج Gearbox Software كانت من المفروض تنزل في شهر فبراير اللي جي لكن الناشر 2K games اعلن عن تأجيلها ليوم 3 مايو 2016.

السبب كالمعتاد هو ضمان تجربة افضل و وقت لتطوير اللعبة بشكل اكبر و دا جه بعد البيتا المغلقة اللي كانت شغالة في الفترة اللي فاتت و كان الغرض الاساسي منها اختبار قوة السيرفيرات و الاداء العام للعبة, و حسب تصريح Gearbox علي مدونتهم انهم عاوزين يستغلوا الاراء و الانطباعات عشان يقدموا تجربة تعاونية و تنافسية ممتازة و هيكون في اخبار اكتر عن بيتا مفتوحة للعبة.

المفروض اللعبة هتنزل للـXbox One, PlayStation 4 و PC