تأجيل لعبة Deus Ex: Mankind Divided لمدة 6 شهور

Deus Ex: Mankind Divided اللي كانت من المفترض تنزل يوم 23 فبراير اللي جي اتأجلت حوالي 6 شهور بالظبط.

اللعبة هتنزل يوم 23 اغسطس و دا تم التأكيد عليه من المطور Eidos Montreal و مديره David Anfossi اللي اكد ان اللعبة محتاجة وقت اكتر بعد انتهاء تطويرها عشان يتم ضبطها و حسين تجربتها بشكل يلائم معايير الجودة الخاصة بيهم.

و اكد ان من خلال جلسات لعب كاملة قاموا بيها اللعبة في بعض المناطق محتاجة وقت اكتر.

بالشكل دا ممكن يكون موسم الالعاب اول السنة ابتدي تخف الزحمة اللي فيه لان غير Deus Ex: Mankind Divided اتأجلت من فترة برضو لعبة Mirror’s Edge Catalyst.