ظهور Half-Life 3 و Left 4 Dead 3 في أداة الـbenchmark الخاصة بـVive

أداة الـBenchmark الخاصة بـVive اللي لسة نازلة من كام يوم بتحتوي على إشارات لـHalf-Life 3 و Left 4 Dead 3.

بعد الكشف عن سعر الـVive وهو 800 دولار, Valve نزلت أداة Benchmark, عشان ناس تشوف لو الجهاز الخاص بيها قادر على مهمة تحمل الـVive.

الأداة مبنية على Source Engine الخاص بـValve, و طبيعي إن يبقى في ملفات ليها علاقة بسلسلة Left 4 Dead أو Half-Life, وده بيفتح طريق إن برضه ممكن نشوف واحدة من مشاريع Valve الغير معلن عنها في الأدوات الخاصة بيها, و من ساعة الكشف عن SteamOS و Vive و في اشاعات كتير جدا عن اقتراب اليوم الموعود وهو يوم الكشف عن Half-Life 3.

في الفيديو التالي من Valve News Network جمعوا كل المذكور في الـBenchmark Tool و اللي كان موجود قبل كده من دلائل و بيحاولوا انهم يوصلوا كل ده ببعض.