تأكيد من Microsoft علي عدم الغاء لعبة Phantom Dust

Phil Spencer اكد ان واحدة من حصريات الـXbox One اللي كان تم الاعلان عنها من فترة و هي Phantom Dust محصلش اي الغاء ليها تماما.

هو قال انهم شايفين كان خطاء كبير عرض لعبة في 2014 هما مكنش عندهم علم كافي بالمعاد المناسب لتقديمها للناس لكن دا مش معناه ان اللعبة تم الغائها و من الممكن نقول ان تطويرها في حالة اشبه بالراحة حاليا و الطريق اللي تم اتخاذه في عملية التطوير موصلتش لنتايج مرضية و اضطروا لاعادة التطوير من جديد و في رايه دا شئ غير سلبي اطلاقا.

غير كده هو اكد ان مفيش اي معلومات اكتر من كده يقدر يقولها عن اللعبة لكن في افكار تم العمل عليها حاليا متعرضتش عليه لحد دلوقتي. و مخرج اللعبة الاصلية اللي نزلت لاول جهاز Xbox One و هو Yukio Futatsug من الممكن يكون ليه دور في عملية التطوير لكن في الوقت الحالي بيتم البحث عن ستيديو جديد مناسب لتطوير اللعبة.