Yousef ElAdawyاخيرا نزل تفاصيل جديدة عن Gears of War 4, اللي هتنزل على Xbox One الخريف ده. التفاصيل ديه من Game Informer اللي هيقوموا بعمل تغطية شاملة عن اللعبة خلال شهر مارس.
- اللعبة هتدعم 2-player Couch co-op/Split-Screen.
- اللعبة هتبقى على Sera واحداثها هتبقى بعد 25 سنة من Gears of War 3.
- أسلحة الـImulstion اللي تم استخدامها في نهاية Gears of War 3 قامت بالقضاء على كل الوقود الحفري.
- البشرية أصبحت مهددة بالانقراض و عايشين في مدن من أجل البحث عن ملجأ من العواصف اللي سببها في الأساس القنابل والحروب شديدة. العواصف ديه اسمها Windflares.
- في 4 أنواع من الطقس في اللعبة, أول نوع عبارة عن هواء تقيل (حركة في الشجر, و ورق الشجر و التراب) وبعد كده بتتحول إلى 3 أنواع وبعد كده بتتحول إلى 3 أنواع ممكن تأثر على الـCombat و استخدامك للسلاح.
- النوع الرابع من العاصفة بيخلي اللاعب يحاول انه ينجو من برق قوي جدا و حاجات من هذا القبيل. اللاعب لازم يفكر في الرياح وهو بيحارب, لو الرياح في ضهره ممكن يسرع من تنقل اللاعب, ولكن لو اللاعب بيحارب و الرياح عكسه ممكن الطلق اللي هو بيضربه يتردله. الأعداء برضه بيتأثروا من الطقس و ده ممكن يساعد اللاعب ستراتيجيا.
- اللعبة بتحاول ترجع لأحساس Gears الأولى ومتأثرة بايطاليا الشمالية جدا.
- مرة ديه في حاجة جديدة غير COG وهم الـOutsiders ودول ناس بتعيش برة معسكرات الـCOG.
- فريق التطوير أستقر على 3 أبطال و القصة مدتها بتوصل لـ24 ساعة.
- JD Fenix هيبقى الشخصية الرئيسية وهو ابن Marcus Fenix. انضم JD إلى COG Militia, وبسبب حادث سري أدى إلى غيابه عن COG من غير اذن.
- DEL البطل التاني, تعرف على JD في مدرسة داخلية و بقوا صحاب جدا.
- Kait وهي البطلة التالتة وهي Outsider وشخصية قوية جدا.
- القصة بتبدأ إن في قرية خاصة بالـOutsiders بيتم غزوها من قبل حاجة جديدة وغريبة جدا. الثلاثي بيدخلوا الغابة من اجل البحث عن العدو الغريب ده.
- العدو الجديد يدعى The Swarm.
- بعد الحرب, Locust كتير كانوا لازم يدفنوا فـ تم صناعة مقابر جماعية و الثلاثي بيعتقد إن ده ممكن يكون أدى لتكوين The Swarm أو ليه علاقة.
- أول مهمة في اللعبة, بنشوف الثلاثي وهم بيستكشفوا Pods, وفجأة بيطلع منها وحوش شكلها قريب من البشر. الأعداء دول اسمهم Juvies وديه مرحلة التطوير الأولى للعدو الجديد.
- Juvies بيقدروا انهم يتحولوا إلى Drones *اللي لعب Trilogy هيبقى عنده صورة عنهم* Drones بيقدروا انهم يستخدموا الأسلحة و شكلهم هم الأعداء الاساسين في اللعبة. الستوديو بيختبر اعداء جداد زي Pouncer اللي كان موجود في عرض E3.
- Pouncer بيحول التكتيك الخاص بيه حسب اللاعب, لو اللاعب طلع يجري, الـPouncer هيستخدم ريشات سامة; لو فضل اللاعب في Cover الـPouncer هيدور عليه و يوصله.
- تعديلات على Cover System; تقدر تـMantle Kick بسهولة أكتر من أي منطقة خاصة بـCover و تقدر تعمل Knife Kills دلوقتي. وهيبقى في Shoulder Charge, عشان توقع العدو. الأعداء ممكن يسحبوا اللاعب من Cover ويعملوا الـTakedown الخاص بيهم.
- الستوديو بيشدد على اهمية الـMultiplayer والتركيز على إن اللعبة تدعم الـeSports.
- الستوديو فاهم حب الناس الشديد للـHorde Mode وبيوعد إنهم مش هيخيبوا ظن الناس.
يبدو إن The Coalition هيقدموا حاجة رائعة!
Mohamed Ibrahim
