تسريب تفاصيل من Red Dead Redemption 2 و احتمالية الاعلان عن اللعبة في E3

Red Dead Redemption كانت واحدة من أنجح لعب Take Two Interactive, اللعبة باعت أكتر من 15 مليون نسخة. فـ وجود جزء تاني مش شيء مستحيل خالص, ويبدو كده إن الأعلان عن الجزء التاني هيبقى سنة ديه.

اللعبة مشاع عنها لفترة كبيرة ولكن يبدو إن احنا قربنا جدا من الكشف عنها اخيرا.

حسب المصدر فـ اللعبة تحت التطوير بقالها 4 سنين و اسم الجزء التاني هيبقى Red Dead Redemption 2 : Legends Of The West.

اللعبة هتنزل في خريف 2017 و Rockstar Games هيعلنوا عنها في يونيو القادم. اللعبة هتحتوي على أكتر من شخصية هتقدر تلعب بيها و هيبقى فيها عالم أضخم بكتير من اللي كان متوفر في الجزء السابق.

المصدر بيدعي إن واحد من موظفي Rockstar Games السابقين قاله إن في HD Remake من الجزء الأول و هو حاليا تحت لتطوير على PS4 و Xbox One و هينزل على آخر سنة.

طبعا كل الكلام ده عبارة عن إشاعة ولكن اللي بيأكد فكرة وجود RDR في E3 سنة ديه هو Strauss Zelnick رئيس Take-Two اللي أكد أن Red Dead Redemption هم سلاسل دائمة.

أنا تقريبا عارف اللعب اللي هتفضل دائمة. طبعا من الواضح إن GTA هي سلسلة دائمة طول ما احنا قادرين نقدم المستوى الرائع من الجودة; و تقريبا من الواضح شوية إن Red Dead سلسلة دائمة.

حاجة كنا احنا عملنا تقرير عنها هو موظف Rockstar Games السابق Danny Ross اللي كان عامل AMA على Reddit و كان تم سؤاله إذا كان يعرف إيه لعبة Rockstar Games القادمة و كان رده صراحة قوي شوية و قال

Really? Dumbass. Really? Two

بس لو اخدنا بالنا من أول كل حرف في كل كلمة هتفهم ليه هو قال كده “RDR 2” يبدو إن الموظف السابق في Rockstar بيلمح إن اللعبة القادمة من Rockstar هي Red Dead Redemption 2.

لو اخدنا كل حاجة تحت الأعتبار فـ بنسبة كبيرة RDR 2 هي لعبة Rockstar القادمة و فعلا تحت التطوير حاليا, وممكن فعلا اخيرا نشوفها في E3 سنة ديه.