Khalid Ahmedاعلنت Naughty Dog ان الجزء الرابع من سلسلة Uncharted هيحصل علي اول محتوي اضافي للقصة.
وده طبعا لأول مرة في تاريخ السلسلة لكن Naughty Dog مأعلنتش عن اي تفاصيل بخصوص الاضافة لكن تم التوضيح ليه الاضافة دي بيتم تطويرها بخلاف الاجزاء القديمة اللي محصلتش علي اي نوع من الاضافات للقصة قبل كدة.
المسئول في استوديو نوتي دوج “Arne Meyer” صرح وقال ان اضافة Left behind في لعبة The Last of Us كانت ناجحة وهما دلوقتي بيحاولوا يستنسخوا التجربة دي فالجزء الرابع من Uncharted.
وقال برضه انهم كانوا بيفكروا فالمحتوي الاضافي للعبة من بداية السلسلة لكن وضحت معالم الفكرة ونجاحها مع الجزء الرابع وقال مرة تانية ان النجاح اللي حققه المحتوي الاضافي لـThe Last of Us هوا اللي دفعهم بالتفكير فالمحتوي الاضافي لانشارتد 4 خاصة ان المحتوي الاضافي لـThe Last of Us ورغم انه كان اول محتوي اضافي للاستوديو من بدايته إلا وإنه فاز بجائزة افضل لعبة فالشهر اللي تم اصداره فيه من موقع Gamespot وتلقي ردود فعل ايجابية جدا من اغلبية النقاد. المحتوي الاضافي لطور القصة هيتم اصداره ضمن حزمة ثلاثية تضم محتويين اضافيين للـMultiplayer. اللعبة هيتم اصدارها في شهر مايو كحصرية لجهاز البلاي ستيشن 4.
Mohamed Ibrahim
Yousef ElAdawy
