اقصي مستوي من واقعية الجرافيكس هيحتاج قوة 40 Teraflops حسب تصريح مدير Epic Games

في مقابله مع موقع Gamespot قال Tim Sweeny مدير Epic Games ان احنا هنقترب من اننا نشوف الواقعيه في الألعاب بشكل كامل بالنسبه للرسوميات لو وصلنا لقوه 40 Tera Flop (اللي هو تقريبا قوة 4 كروت GTX 1080 مجتمعين مع بعض).

و اتفق معاه في كده مصممي  Unreal Engine و هو امن اقوي المحركات المتواجدة حاليا و من تطوير الشركة  , و قال ان حتي الان يتم تصميم مشاهد كامله فيها اشخاص بكل تصرفاتهم و يظهروا حقيقين بمجرد اضائات بسيطه و Models و قال ان المشاهد الي بيبقي فيها مطر او انعكاسات كتيره و الاضاءه بارزه فيها بدأت تقترب من الواقعيه , لكن لو وصلنا للقدره بتاعت 40 Teraflop هنقدر نحققها بطريقه واقعيه اكتر.