اتعرف علي مميزات التحديث الجديد 4.00 للـPlaystation 4

1/4

اعلنت شركة sony عن تفاصيل تحديث جديد لنظام البلاي ستيشن 4 تحت اسم Shingen – شينجين , يحمل رقم 4.00 و الي علي ما يبدو ان في اضافات جديدة كان بيطلبها الجمهور من زمان عشان يعملوها في الجهاز و اخيرا سمعوا لبعض من طلبات الناس و اتضافت خلاص . البيتا انهاردة يوم 16/اغسطس و كل الي عندهم بلاي ستيشن و قدموا علي البيتا يدخلوا علي الايميل بتاعهم عشان يتاكدوا اذا كان حصلوا عليها  ولا عليهم الانتظار لحد ما يصدروا التحديث كامل للجميع , و لسة مفيش معاد محدد للاصدار الكامل .

و دلوقتي نيجي للاضافات الي اتحطت في التحديث الجديد :

1 – تقديم تحسينات للواجه الرئيسية بحيث ان تم ضافة خلفيات و ايقونات جديدة تقتدر تختار منها الي يناسبك و يعجبك.

2- كلنا عارفين ان لما بنضغط علي زرار الـPS بيظهرلنا صفحة كاملة و بتقوم بالتغطية الكاملة علي اللعبة دلوقتي و بعد الابديت هتكون جزء صغير من الشاشة من غير ما تحجب رؤيتك للعبة و دة هيكون شئ كويس جدا لالعاب الاونلاين الي مش بيبقا في مجال لتوقيف اللعبة.

3- اذا ضغطت علي زر Share مش هتشوف الشاشة الكبيرة تاني الي بتغطي اللعبة كلها و الي كان بيمنعنا في بعض الاوقات من التقاط صور في الاونلاين عشان بتغطي علي الشاشة كلها لكن دلوقتي هتكون جزء صغير من الشاشة بحيث انك متتاثرش بيها و انت بتلقط صورة او فيديو , و هتقدر ترفع فيديو بمدة اكبر علي تويتر حيث انها بقت 140 ثانية بدل من 10 ثواني.

4- امكانية تنسيق القائمة الرئيسية من خلال Folders تقدر تعلمها و توزع فيها البرامج و الالعاب و الي هخلينا نودع القائمة الطويلة من صور الالعاب و البرامج الي موجودة

5- و دلوقتي لو عندك مشاكل مع الانترنت و الاتصال بالسيرفرات هتقدر تشوف الـTrophy بتاعتك دون الاتصال بالانترنت من خلال الـoffline mode .

6- تحديث لشكل الUser Profile حيث دلوقتي بقا اسهل تشوف معلومات صاحب البروفايل و دلوقتي تقدر تضيف خلفية خاصة بيك في البروفايل بتاعك .

للاسف سوني مش محددة موعد رسمي لاصدار التحديث الجديد لكن مفيش حاجة قدامنا غير اننا نستنى و نشوف رائي مستخدمين البيتا في التحديث.