Khalid AhmedAlison Road تعود للحياه من جديد بعد الاخبار عن الغائها فى شهر يونيو الى فات, و بتصريح من مصمم اللعبة Christian Kesler انه هيشتغل على اللعبة بنفسه تحت عنوان جديد هو Far From Home بالتعاون مع زوجته الى هى شريكة اعماله.
اول ظهور للعبة كان فى يوليو 2015 بديمو مدته 13 دقيقة فكر الناس جدا بديمو Silent Hills او P.T و بالرغم من نجاح الديمو و الـkickstarter الى قدر يجمع نص المبلغ المطلوب فى 3 اسابيع الا ان كانت النهاية بالغاء المشروع فى يونيو 2016 لمشاكل مع شركة النشر لم يتم توضيحها و اكد Christian حاجته لفترة اجازة من بعد المشاكل و فكر فى كل حاجة اتعملت لحد دلوقتي و ايه الى ممكن يتغير فى القصة و الاحداث و مع الوقت المشروع رجع للحياة تانى
كريستيان واثق من قدرته على اتمام المهمة لوحده و فكر الناس ان اصلا اللعبة كانت مشروع فردى فى الاول و فضلت كدة فترة لحد ما بدأت المساعدات من الناس تظهر.
مفيش معاد محدد لاصدار اللعبة لحد دلوقت ولا فى اى تفاصيل عن التغييرات الى حصلت لكن اكيد مع الوقت كل حاجة هتبان.
