المعالج القادم من Intel و AMD هيدعم Windows 10 فقط

مايكروسوفت أكدت الكلام اللي كانوا نشروا أول السنة عن إن العائلة القادمة من Intel و AMD هيدعموا Windows 10 فقط.

Windows 10 هيبقى نسخة الـWindows الوحيدة المدعومة من قبل عائلة المعالج القادمة من Intel وهي ‘Kaby Lake’, و عائلة Qualcomm’s القادمة ‘8996’ , و عائلة AMD القادمة ‘Bristol Ridge’.

ده كان تعليق مايكروسوفت في يناير الماضي و خلال الوقت ده, مايكروسوفت كانت أيضًا ذكرت إن Skylake هيبقى كده ولكن ملاكه هيبقى مسموح ليهم لحد 18 شهر عشان يحدثوا لـWindows 10. ولكن بسبب ردود الأفعال السلبية و القوية جدا, مايكروسوفت غيروا الموضوع ده و سمحوا بدعم الـSkylake على Windows 7 و 8.1 لحد وقف التحديثات الأمنية الخاصة بالاتنين. ولكن لم يكشفوا إيه المستقبل الخاص بـKaby Lake و Zen.

ومن يومين PCWorld تحدثوا مع مايكروسوفت, و مايكروسوفت كشفوا انهم مازالوا متمسكين بقرارهم الأساسي.

مع تقديم أجيال جديدة من Silicon, ده هيحتاج احدث نسخة من Windows عشان تدعم الموضوع ده. ده هيسمح لينا إن احنا نركز على عملية الدمج العميقة ما بين الـWindows و Silicon, وضمان المحافظة على أعلى قدر من الاعتمادية و التوافق مع الأجيال السابقة من Silicon.

طب إيه اللي هيحصل لأجهزة مثلا فيها معالج Kaby Lake وشغالة على Windows 7؟ محدش يعرف غير مايكروسوفت و Intel حاليا.

مصدر قال لـPCWorld إن من غير دعم وتحديثات أمنية, التجربة هتبقى Glitchy و إن تطبيقات كتير هتـCrash لانها مش قادرة تستخدم بعض أمكانيات المعالج. حتى لو قدرت أصلا إنك تنزل OS, هتبقى تجربة سيئة جدا.