Yousef ElAdawyستوديو Ultra Ultra شغال حاليا على ECHO وهي لعبة Stealth Action خيال علمي جديدة, ونزلوا أول صور وعرض من اللعبة. اللعبة بيتم تطويرها على Unreal Engine 4 وشكلها مثير جدا.
في ECHO, اللاعب بيلعب بـEn اللي بتلاقي نفسها في قلعة و ده مكان غريب جدا وحساس بالعالم اللي حواليه و بيصنع Echos كنوع من وسائل الدفاع. مهمتك بسيطة وهي إنك تهرب من القلعة ديه.
المثير جدا هنا هو إن أعدائك في اللعبة بيتعلموا إزاي إنت بتلعب. حسب وصف اللعبة التالي:
الـECHOS بيتصرفوا زيك بنفس السلوك و بيعملوا اللي إنت بتعملوا. فـ إزاي إنت هتلعب اللعبة ديه ده اللي بيشكل عدوك. لو هتجري, الـEchos هيبقوا أسرع. لو هتستخبى, هم هيبقوا Stealthy أكتر. لو هتضرب نار, هم هيضربوا عليك بالنار أيضًا. اللعبة دائما بتتفاعل مع كل اختيار انت هتعمله.
القصر بيتابع تحركاتك و بيطبقها في أعدائك اللي هم نسخة منك بالظبط. عشان القصر يقدر يعمل كده لازم يعمل Reboot لنفسه و ده معناه إن هيحصل إنقطاع في الطاقة, في الفترة اللي فيها Blackout, اللاعب ممكن يستغلها لأن خلال الفترة ديه القصر أعمى, و ده بيدي للـ لاعب حرية الحركة بدون وجود عواقب.
ده بيبقى الوقت إنك تعمل أي حاجة إنت مس عايز القصر يتعلمها.
فكرة اللعبة شيقة جدا صراحة واحنا في انتظار أكتر عن اللعبة.
Mohamed Ibrahim
