تفاصيل جديدة عن أبطال Mass Effect Andromeda و قصة اللعبة

Bioware اخيرا كشفوا عن أول عرض من Mass Effect Andromeda خلال PlayStation Meeting وبعدها اتنين من مطوري اللعبة تحدثوا عن اللعبة.

Mac Walters مخرج اللعبة كشف إن أبطال اللعبة اخوات, والاتنين هيبقوا في اللعبة في نفس الوقت, فـ لما تختار واحد التاني هيبقى في مكان ما في العالم.

اضافة على ذلك, الشخصية اللي تم عرضها في Armor كامل خلال عرض E3 2015 ده يبقى والد ابطال اللعبة وهيبقي في اللعبة أيضًا.

Walters اضاف إن Bioware عايزين اللاعبين يشعروا بالحرية و الحركة خلال استكشاف عالم اللعبة, وده عنصر أساسي من اللعبة; الـJetpack مفيد جدا في المنطقة ديه. أيضًا هيبقى في حاجات زي الـٍScanner, ودة بيسمح للـ لاعبين انهم يبحثوا عن كائنات عشان يتعلموا أكتر عنهم.

البيئات الخاصة باللعبة هتبقى Dynamic جدا والاستكشاف فيها مفتوح جدا عكس الثلاثية الأولى اللي مكنتش تقدر تروح بعض المناطق خلالها.

Aaryn Flynn مدير الستوديو كشف عن تفاصيل أكتر عن اللعبة. احنا حاليا عارفين إن البشرية هربت من مجرة درب التبانة عشان تستعمر مجرة Andromeda, ولكن البشر مش لوحدهم اللي عملوا كده: اعراق تانية زي الـAsari و Krogan أيضًا طلعوا على Andromeda. الـPathfinder (اسم Ryder في اللعبة) هتبدأ عملية بناية بيوت جديدة للبشرية; فـ احنا متوقعين استكشاف كتير جدا في اللعبة ديه زائد Quests كتير ولغز ضخم جدا هنكشف عنه.