تفاصيل جديدة عن الـSkill System في Watch Dogs و نظام المتابعين

Watch Dogs 2 علي ما يبدوا ان معظم تفاصيل الجيمبلاي فيها اتغيرت و Ubisoft اعلنت عن مزايا جديدة في اللعبة خصوصا في الـSkill System و اضافوا حاجة اسمها Follower Points بتكسبها بعد انهاء المهمات الجانبية و الاساسية.

الـFollower Points زي ما هو باين من اسمها هي انك بتجمع متابعين ليك و كل ما عدد المتابعين ليك بيزيد كل ما نقاط الخبرة  الي بتكتسبها من المهمة و بتخليك تعمل ابحاث علي ادوات و اسلحة جديدة بتزيد. المتابعين كمان بيزيدوا مع الوقت من خلال الاستكشاف كمان و في بعض المهارات اللي ممكن تكتسبها اللي بتساعد علي زيادة عدد المتابعين, و Jonathan Morin مخرج اللعبة اكد علي ان النظام هدفه الاساسي العمل علي مكافاة اللاعب بشكل كبير.

فا تقريبا نظام المتابعين هو اشبه بالـXP او اشبه بعملة متواجدة في اللعبة  لكن بشكل مختلف يليق بفكرة وجودك في لعبة مبنية علي نشاطات الاختراق. اللعبة هتنزل في نوفمبر القادم علي Playstation 4 و Xbox One و PC.